شاه اسماعیل صفوی

گلن بیردیر, گئدن بیردیر, قالان بیر

هامان بیردیر, هامان بیردیر, هامان بیر

ائی موسلمانلار, اسیری-زولفی یارم دوبروسی

بو سییاهکارین الینده بیقرارم دوبروسی

دئردیم, اول دیلبر یانیندا اعتباریم وار منیم

یوخلادیم ائتدیم یقین, بیئتیبارم دوبپوسی

بیر قورو جاندان نولور, قوربان ائدیم جانانیمه

اول پریروخساریدن, چوخ شرمیسارم دوبروسی

شاه خطای سئیره چیخدی, آچدی هوررون قبرینی

بار-ایلاهی, افو قیل کیم, توبه‌کارم دوبروسی

گل بیر پیره خیدمت ائیله

امک زایی اولماز اولا

مورشید اتیین مؤحکم دوت

کیمسلیندن آلماز اولا

بیر ایشی بیتیرمک گرک

عکسیگین یئتیرمک گرک

یار ایله اوتورماق گرک

هئچ بیر شممه گلمز اولا

بیر سویو سویلاماق گرک

بیر آجی دویلاماق گرک

بیر دیلدن سؤیلمک گرک

فیریشتلر بیلمز اولا

چاروق بحری اولماق گرک

بیر ئوممانا دولماق گرک

بیر گؤوحری بولماق گرک

هئچ سررافلار بولماز اولا

گئرچک عاشق اولماق گرک

مشوقینی بولماق گرک

اولمزدن اون اولمک گرک

واریب اوندا اولمز اولا

بیر قوش اولوب ئوچماق گرک

بو معنانی سئچمک گرک

بیر قدحدن ایچمک گرک

ایچنلر آییلماز اولا

بیر بابچایا گلمک گرک

خوب تفرروج قیلماق گرک

بیر گولو قوخلاماق گرک

هرگیز اول گول سولماز اولا

گل ختای, سن کئچ اوتور

داوانی معنایه یئتور

صحبتینه بیر ار گتور

جانا باشا قالماز اولا

گئتدی اول دیلبر, بسی درد و بلا قالدی منه

نه بلا, بیل کیم, یوکوش جؤورو جفا قالدی منه

بونجا گلدیم, من گدایه هئچ اینایت قیلمادین

ائشیگینده قالدیغیم دستی-دعا قالدی منه

موژده گلدی دیلستانیمدن کی, قتل اولدو رقیب

شوکر کیم, بیگانه گئتدی, آشینا قالدی منه

آنجا کؤوکب کیمی, یاش تؤکدی, غمیندن گؤزلریم

یئر ایله, گؤگ ایله کئیوان هم, باخا قالدی منه

ائی خطای, زولفی تک آریندی یوزدن زنگبار

دیلبری-چینو خؤتن, خوبی-خطا قالدی منه

جان اولماز ایسه, سن تکی جانان یئتر منه

وصلین بو خسته کؤنلومه درمان یئتر منه

هیجرین جفاسی ائیله ییخیبدیر بو کؤنلومو

هر شب قاپوندا نالوو افغان یئتر منه

ظلمت ایچینده آبی-حیات ایسته‌مز کؤنول

لعلین زولالی چشمهٔ-حئیوان یئتر منه

زاهید, قوپارما سن منی مئیخانه‌دن بو گون

روزی-ازلده یار ایله پئیمان یئتر منه

گرچی, خطای, گئتدی الیندن ویصالی-دوست

هردم خیالی-دیدهٔه مئهمان یئتر منه

دیل ایله درویشلیک اولماز,حالی گرک یول اهلی‌نین

آریلرین هر چیچکدن,بالی گرک یول اهلی‌نین!

کئچمک گرک دؤرد قاپیدان,قورتولاسان مورببیدن

مورببیدن موساهیبدن,الی گرک یول اهلی‌نین!

من گزه‌رم دردلی-دردلی,اؤتر فیرقتلی-فیرقتلی

بولبول کیمی اونو دادلی,دیلی گرک یول اهلی‌نین!

من گزه‌رم آییق-آییق,دریالاردا اولور قاییق

بولبوللری شاها لاییق,گولو گرک یول اهلی‌نین.

خطایم دئر: قوشاق قوشان,توز اولور تورابا دوشن

بودور درویشلییه نیشان,یولو گرک یول اهلی‌نین!

گئتدی اول محرو یانیم‌دان, یوز جفا قالدی منه

جؤور بیلمن, کیم, بلایی-مونتحا قالدی منه

ائی پری, چوخ ایشوئیی-هوس‌نین مغرور اولما کیم

مولکی-فانی سانماگیل, کیم نه سانا قالدی, منه

تا کیم, اول خورشیدروخ گئتدی گؤزوم‌دن سو تکی

گؤز یاشیم اونون اوزون‌دن آشینا قالدی منه

سن گئدن‌دن برلو آنجا زارو افغان ائتمیشم

یئرو گؤگ, اینسو ملک جمله باخا قالدی منه

دیلبرین گئتدی, خطای, سن نئدیر‌سن دونیانی؟

چونکی جان گئتدی, بو تن, یارب, نییه قالدی منه

هردم غمینده نالوو آهیم یئتر منه

دونیا یوزونده اول یوزی-ماهیم یئتر-منه

اثبات قیلمیشام روخی-ذرد, اشکی-سورخیمی

دوییی-عشقه بؤیله گوواحیم یئتر منه

عالم خلاییقی منه جمله حسود اولا

اول آسیتانین ایتی پناهیم یئتر منه

زاهید, اوگونمه, تالئیی-سدم, دئییب یوکوش

سن وار ایشینه بختی-سییاحیم یئتر منه

کسمه اومیدی-رحمتی حق‌دن, خطای, سن

جمله خطاده لوطفی-ایلاهیم یئتر منه

قیرخلار میدانینا واردیم,

گل بری, ائی جان, دئدیلر.

عزت ایله سلام وئردیم,

گل, ایشده مئیدن, دئدیلر.

قیرخلار بیر یئرده دوردولار,

اوتور دئیه, یئر وئردیلر,

اؤنومه سوربا سردیلر,

ال لوبمایا سون, دئدیلر.

قیرخلارین قلبی دورودور,

گلنین قلبین آریدیر,

گلیشین هاردان بریدیر,

سؤیله, سن کیمسن? - دئدیلر.

گیر سیماه, بئله اوینا,

سیلینسین, آچیلسین آینا,

قیرخ ایل قازاندا دور قاینا,

داها چیی, بو تن, دئدیلر.

گؤردویونو گؤزون ایله,

سؤیله‌مه سن سؤزون ایله,

اوندان سونرا بیزیم ایله,

اولاسان مئهمان, دئدیلر.

دوشمه دونیا مؤهنتینه,

طالب اول حاق حضرتینه,

آبی-زمزم شربتینه,

بارمابینی بن, دئدیلر.

شیخ خطای نه دیر حالین,

حاقا شوکر ائت, قالدیر الین,

قئیبتدن کسه گؤر دیلین,

هر قولا یئیسن, دئدیلر.

من درویشم - دئیه, کؤکسون گررسن

حقی ذکر ائتمهٔه دیلین وارمیدیر

کندینی گؤرسنه ائلده آپارسان!

حالین حال ائتمهٔه حالین وارمیدیر

بیر گون بالیق کیمی آبا سارارلار

مورشیددن, رهبردن خبر سورارلار

توستو یاخیب گوشه-گوشه آراپلاپ

من آرییام, دئرسن, بالین وارمیدیر؟

دردلی اولمایانلار, درده یانارمی؟

صادق درویش ایقراریندان دؤنپمی؟

هر بیر اوچان, گول دالینا قونارمی؟

من بولبولم دئرسن, گولون وارمیدیر؟

شاه خطای, سنین دردین دئشیلمز

دردی اولمایانلار درده توش اولماز

مورشیدسیز, رهبرسیز یوللار آچیلماز

مورشید اتهٔینده الین وارمیدیر؟

عرضه یازدیم من سنه، ای شاه خوبانیم مدد

عرض حالیم سن بیلورسن، دین و ایمانیم مدد

شرمسارم، پرگناهم، سن باغیشلا یا کریم!

جمله لرنی یارلیغایین، کامل احسانیم مدد

مست و مجنون اولمیشام من فرقتیندن یا حبیب!

ای حقیقت عالمینده اینجه ارکانیم مدد

بو الیم دور دامنینیز یا علیّ المرتضی

بوی وصلیندور سنون هر درده درمانیم مدد

هر یانا عزم ائیلر اولسان سوره ی فتح اولدی فتح

آچیلور باغلو قاپی، دولتلی دربانیم مدد

بو "خطایی" نین گناهین سن گتورمه یوزینه

شاه مردان، شیر یزدان، سرّ سبحانیم مدد

باهارین گلدیگین ندن بیلییم

گول دیکنده بیتر، بولبول تالدا‌دیر

اییوبون تنینده ایکی قورد قالدی

بیری ایپک سارار، بیری بالدا‌دیر

کؤنلونه گتیرمه شکک ایله گومان

سید نسیمییه دئ، اول اولدو شان

تانری ایله مینبیر کلام سؤیلشن

علی مدینه‌ده، موسا توردا‌دیر

شریعت یولونو محمد آچدی

تریقت گولونو شاه علی سئچدی

شو دونیا‌دان نئچه یوز مین ار کئچدی

اونلار اتفاقدا، مئهدی یولدا‌دیر

آدمین، حاتمین ذات-ی فزلوللاه

اشیایی قرق ائتمیش بو بیر سیرروللاه

شاهنشاهی-قوتبی-عالم زیللوللاه

قودرت-ی نظری مؤمن قولدا‌دیر

شاه ختای آیدیر: سیررینی یایما

قیلا گؤر نامازین قزایه قویما

شو یالان دونیادا هئچ سابام دئیمه

تنین تناشیرده، سیررین سالدا‌دیر

ائی کی, یوخدان بو جاهانی وار ائدن پروردیگار

یئری قایم گؤگلری دووار ائدن پروردیگار.

"کونتو کنز"این آیتی وصفینده اولموشدور نوزول,

وارلیبینا "کون فکان" ایقرار ائدن پروردیگار.

جوملهٔی-عالمده سن گوندن دخی ظاهر, ولی,

دیلده دایم آدینی ستتار ائدن پروردیگار.

مؤمینه مسکن قیلاندیر بابی-جنناتو نیم,

کافری-مونکیر مقامین نار ائدن پروردیگار.

جومله‌اشیالار گؤزون درخاب ائدندیر گئجه‌لر,

گؤگده کؤوکبلر گؤزون بیدار ائدن پروردیگار.

بیر قولونی اودا یاخوب, قیلدی فی-ناری-سقر,

بیر قولونی محرمی-اسرار ائدن پروردیگار.

میسر ایچینده یوسیفی بیر قول ایکن سولطان ائدن,

درد ایله یقوبینی بیمار ائدن پروردیگار.

یونیسی دریا ایچینده یوددوران بیر بالیبه,

آتشی ایبراهیمی گولزار ائدن پروردیگار.

یابدیران دریایا گؤگدن ابری-نئیسان یابمورون,

قتپه‌سیندن لؤلؤیی شهوار ائدن پروردیگار.

انبییالار بخشینه یازدیران الا مرتبه,

موستفانی جومله‌دن موختار ائدن پروردیگار.

اون ایکی معصومی-پاکی پیش ائدن اوممتلره,

مورتضانی حئیدری-کررار ائدن پروردیگار.

لوطفیله احوالینا قیلگیل خطای‌نین نظر,

عشق ایچینده والئهی-دیدار ائدن پروردیگار.